Uncategorized @gl

Recente publicación de Jon Arana Albeniz: mestre, psicopedagogo, terapeuta psicomotriz e formador en psicomotricidade.

Este libro é unha rica recopilación teórico/ práctica do saber profesional. Unha mirada sensible e profunda á acción e xogo do neno/a, marcando as finas liñas de conexión coas vivencias que a/o sosteñen.

• 

Un agasallo para todas/os as que temos de profesión psicomotricistas.

Aporta claridade, coñecementos, reflexións…

Esperta o desexo a seguir profundizando nesa “escoita” tan peculiar á – expresividade motriz – dos nenos/as.

Coloca o neno/a como protagonista, guiando o percorrido que precisa facer, baixo esa mirada, colaboración e complicidade que aporta a/o psicomotricista.

Espanta os medos…non sempre sabemos o que nos quere dicir o xogo, pero sí debemos ter a certeza que é significativo para o neno/a…

Un pracer. Grazas Jon!!!

Este ano, coa entrada do 2022, o centro reanudou a participación na realización de diferentes XORNADAS FORMATIVAS:

En Xaneiro e Febreiro, a través da AGAT, impartiu dúas xornadas de formación de 20h de duración cada unha, dirixidas a profesionais da Rede de Unidades de Atención Temperá de Galicia (formación financiada pola Xunta de Galicia)

En Febreiro realizamos no Colexio Público de Pedrouzos – Brión unha xornada de formación de 2h dirixida a profesionais do centro. Baixo o título “O neno/a: corpo, emoción e pensamento” profundizamos nas vías de comunicación e expresión na infancia.

Proximamente en Maio está prevista a participación dunha xornada formativa co profesorado do CRA de Meis (3h de duración).

En Marzo iniciou as prácticas, despois de dous anos sen recibir alumnado en formación, unha estudiante de Psicoloxía. Serán máis de 200 horas de formación presencial no centro que rematarán a finais de Maio (convenio de colaboración do Centro Medrando Xuntos coa Facultade de Psicoloxía).

Consideramos que toda tarefa formativa implica unha responsabilidade e esforzo importante, por ambas partes, o que imparte ou tansmite a formación e o que a recibe. Á vez consideramos que é un espazo moi rico, pois axuda a establecer fÍos conductores entre a teoría e a práctica, básicos no avance profesional.

Compartimos información coas datas ofertadas pola Escola de Psicomotricidade Luzaro (País Vasco) . Este curso é o primeiro paso para iniciar a formación de Psicomotricista.

Nestas imaxes aparecen nenos/as xogando en sesións de psicomotricidade: a do cartel informativo no País Vasco, e a outra na nosa terra (sesión realizada polo centro Medrando Xuntos). Podemos apreciar / intuir similitudes: o espazo, os materiais, a atención que os nenos/as prestan a súas accións, os acordos que permiten xerar esas construccións ….

O xogo é unha ferramenta Universal ó servizo dos nenos/as, e as salas de psicomotricidade son espazos privilixiados para favorecer que se xogue, medre, disfrute,… “para que o neno/a se constrúa“. E a labor do/a psicomotricista tamén é clave, pois o neno/a constrúese en relación, polo que a interacción corporal e verbal son recursos valiosos para axudar ós nenos/as no seu avance madurativo.

Adxuntamos carteis do acto de presentación do libro editado pola GAT: “Federación Española de Asociaciones de Profesionales de Atención Temprana” que se presenta próximamente en Madrid. Pódese asistir presencialmente ou vía online.

O título e portada xa son unha invitación do máis atractivo para todas/os que traballamos con nenos/as. Os profesionais que participaron na súa elaboración contan cunha traxectoria profesional e compromiso coa infancia, que seguro nos proporcionarán materiais para reflexións e análises valiosas. Será un pracer poder disfrutar da presentación o la lectura deste libro.

A PPA, Práctica Psicomotriz Aucouturier, é un recurso metodolóxico que nos permite acercarnos ós demais dende a vía corporal. Para afondar nela é preciso adentrarse na “aventura” de coñecernos, de reflexionar sobre as nosas expresións e vivencias na interacción cos demais, nas resistencias e mecanismos cos que nos imos “armando” na traxectoria vital…, gañando así obxectividade. Un obxectivo clave para a/o psicomotricista será chegar a observar e interpretar as manifestacións dos demais sin contaminación das nosas vivencias. Os cursos de sensibilización son o primeiro paso no camiño. Logo pódese seguir afondando coa formación en Psicomotricidade Educativa Preventiva e posteriormente a de Terapia Psicomotriz.

Compartimos os novos cursos de sensibilización organizados pola Centro Asociado UNED Bergara e a Escola de Psicomotriciade Luzaro para este ano 2022.

Para recabar máis infomación: https://luzaro.net/es/cursos-de-sensibilizacion/

Ser nai/pai non é tarefa sinxela, un pai, unha nai fanse o longo da crianza e do acompañamento a seu fillo/a. Contar con espazos de reflexión e diálogo pode ser de gran axuda.

Profesionais do CEFOPP, centro de estudios e formación de Práctica Psicomotriz Bernard Aucouturier”, cunha longa traxectoria no acompañamento a nenos/as: a nivel Educativo e Preventivo e dende a Terapia, fan esta proposta que seguro aporta luz a temas importantes no desempeño do rol de pai/nai.

A formación continuada é o medio a través do que podemos asegurarnos, fortalecer as destrezas que nos permiten ese “estar e facer” dentro da sala propio das/os psicomotricistas . Estos espazos formativos tamén nos brindan posibilidades para observarnos e polo tanto enriquecernos como profesionais.

Unha oferta interesante a cargo de José Angel Rodríguez, Iolanda Vives e Cira Rodríguez, con longa traxectoria profesional, non só no traballo con nenos/as, senón tamén no ámbito teórico (con obras referenciais para os que traballamos como psicomotricistas).

Próximamente, en Xaneiro do 2022, realizarase unha formación presencial en Santiago de Compostela, dirixida a profesionais da Atención Temperá e organizado pola Consellería de Politica Social e AGAT.

A convocatoria da vindeira xornada é: “O NENO/A EN ATENCIÓN TEMPERÁ. ABORDAXE DENDE A GLOBALIDADE”, con 20 horas de duración.

Será un pracer para o Centro Medrando Xuntos participar na realización da mesma e compartir a mirada, experiencia e coñecementos que dende “as salas de Psicomotricidade” adquirimos ó longo destes anos.

Para máis información consultar a convocatoria na páxina da AGAT: https://atenciontemprana.com/abre-o-prazo-de-inscricion-para-o-curso-o-neno-en-atencion-tempera-abordaxe-dende-a-globalidade/

Dende o Cefopp lanzan a convocatoria para o máster de formación en Terapia psicomotriz para o vindeiro curso, dando comezo en Xaneiro do 2022.

Profundizar na comprensión do neno/a, nas vías de exprexión e canalización de que dispón, nos mecanismos de defensa que emprega, nas habilidades relacionais e corporais do/a psicomotricista…. son parte da apaixoante tarefa de formarse con este máster. Nel a formación práctica e persoal teñen protagonismo.

Para máis información acceder a páxina do cefopp: https://cefopp.com/curso/?id=6

Próximamente, os vindeiros 26 e 27 de Novembro, en Cádiz celebraranse as segundas Xornadas de Atención Temperá, organizadas polo Colexio Oficial de Psicólogos de Andalucía e dirixidas a psicólogos, estudiantes e profesionais afíns á Atención Temperá.

As xornadas serán impartidas en dúas modalidades:

Modalidad presencial: Aula Magna de la Facultad de Filosofía y Letras de la Universidad de Cádiz. Avda. Doctor Gómez Ulla, 1. 11003 Cádiz

Modalidad online: streaming – videoconferencia en directo

Para máis información: http://l.copao.es/iijornadasatenciontemprana

Un bebé prematuro debe pasar na incubadora un tempo para poder salvar a súa vida, pero a vez exponse a estímulos para os que non está preparado, podendo xerarse futuras secuelas tanto a nivel emocional como corporal. A psicomotricidade, disciplina que traballa dende a vía corporal e emocional , é unha ferramenta idónea para previr ou minimizar posibles alteracións. A intervención psicomotriz incide especialmente nas vivencias corporais, algunhas delas xestadas nas primeiras etapas do neno/a, nas que o corpo é o único medio dispoñible para comunicar e recibir.